وطن خير ديمقراطى

[ام عزة]

حنبنيهو البنحلم بيهو يوماتى
وطن شامخ
وطن عاتى
وطن خير ديمقراطى
وطن مالك زمام امرو
ومتوهج لهب جمرو
نجومو تلالى فى العالى
سيادة
ارادة
حرية
مكان الفرد تتقدم قيادتنا الجماعية
مكان السجن مستشفى
مكان الاسرى وردية
مكان المنفى كلية
مكان الحسرة اغنية
مكان الطلقة عصفورة
تحلق حول نافورة
تمازح شفع الروضة
حنبنيهو البنحلم بيهو يوماتى

بهذه الكلمات البسيطة المعبرة كتب الشاعر الكبير محجوب شريف عن تصوره لوطنا السودان الوطن الحر الديقراطى يتساوى فيه الجميع بالتعليم الصحة السلام الامن 0
اذا نظرنا الى هذه الشعارات التعليم الصحة السلام 0000الخ نجدها فى كل برامج الاحزاب
الجميع يدعو اليها ويبشر بتحقيقها عند فوزه فى الانتخابات كيف نستطيع ان نختار الحزب
الصادق 0
اولا : يجب ان ننظر فى تاريخ اى حزب وهل وجد الفرصة لتحقيق هذه الشعارات ولماذا لم ينفذها
ثانيا: ان ندرس برنامج اى حزب هل يوضح الخطط التى تحققها هل هى برامج واقعية يمكن تحقيقهاام مجرد وعود انتخابية مثل المرشح الذى كان يعد سكان بورسودان ببناء كبرى بين
السودان والسعودية ؟؟؟؟؟
ساواصل فى هذا الموضوع مع ذكر الامثلة ومناقشة العديد من برامج الاحزاب المختلفة
واتمنى من الجميع المشاركة والن قاش كما اطلب من ادارة المنتدى ان يكون العنوان وطن خير
ديمقراطى باب ثابت يساهم فيه الجميع لبناء السودان هذا الوطن العزيز الغالى 0[size=150][/size]

[دينا اسامة حيمورة]

منكم نستفيد دائما
شكرا ام عزة علي النصائح الهامة جدا

[انعام حيمورة]

أم عزة ..

كل التقدير ..

ومتابعين معاك ..

كما اتمنى منك السرد التاريخي مستصحبة تجربة الديمقراطية والانتخابات السابقة ..

[muna]

الاساس الذي بني عليه توزيع الدوائر الجغرافيه كان الاحصاء والتعداد السكاني وده تم فيه لعب شديد لو انظرنا لي توزيع الدوائر الجغرافيه ح نلقاها ما منطقيه وده اللعب التم في التعداد عشان اوزعو الدوائر لمصلحة تنظيم الحكومه نحاول نشوف التوزيع ده في موقع المفوضيه ونقارن . لانو يا سهام قوي المعارضه سكتت عن تجاوزات كتيره تتحمس في الاول وبعدين فجاة تهمد وده المقوي الطرف التاني ولما افوزو ح نرجع نقول ما كان كذا وكذا بعد فوات الاوان