مرحبا بكم في منتدى العائله

[adil]

السلام عليكم

ارحب بكم في منتدى العائله الذي قمت بتثبيته لخدمة العائلة من كافة النواحي الاجتماعية والثقافية
ارجو ان تكون مساهمتي هذه على قدر العطاء المقدم منكم لاثراء هذا المنتدى

[abu-looji]

أحيييييييييييييك عزيزي عادل حيمورة ومزيدا من العطاء ... وبليييز كيب إن تاتش يا دوولـــه

[انعام حيمورة]

الاخ عادل حيمورة

الف شكر ليك على قيام هذا المنتدى ..

والذي نتمنى ان يكون مثمرا

وسنشارك فيه وندعمه بكل ما يمكننا

تحياتي للجميع

[Salma Hussein]

سلام عليكم جميعا
فكرة رائعة جدا خالو عادل
وان شاء الله المنتدى يصبح اكبر واكبر



peace up

[Mohd Abu Agla]

Salam to all,
I'm very happy, proud and excited, I've been waiting for this long time (Adil promised me!!),,Now Haimoura is on the net,,,Thanks Adil, It is amaizing ,,my best wishes.
Mohd

[عزة مهدي حيمورة]

سلام

[عزة مهدي حيمورة]

سلام
للعم عادل وكل ال حيمورة
اتمني دوام وتقدم المنتدي وانشاء الله كل اعضاء شباب حيمورة الجداد والقدام يكون معانا

[مهدى عثمان حيمورة]

الاخ العزيز عادل
لك التحية والتقدير على المجهود الرائع المقدر
نتمنا ان يكون المنتدي واحة لكل الافراد العائلة الكريمة وان يدوم التواصل

[ridahaimoura]

عزيزي عادل...
لك الروعة والفرح أبداً... أمنياتي لك بدوام التقدم ... إنشاءالله دايماً لاميين.

[بت الهام]

سلام عليكم
انا دعاء اسامة عثمان حيمورة
المنتدي حلو جدا
وشكرا علي المجهود الكبير

[bit.al3omda]

سلامات

أنا إيمان عاصم عبدالله الخليفة ,عجبتني الفكرة بتاعت المنتدى و إن شاء الله يبقى أحسن و أحسن و أن شاء الله أكون من أول المسجلين و شكرا
و تحياتي لكل الحيموراب


bit_al3omda

[adil]

مرحبا بالاعضاء الجدد الاخت نون والدكتورة رانيا

واطلب منهم مشكورين بان يقومو بتعريف انفسهم لنا اكثر فالاسم فقط لا يفى بالحوجة فياليت لو يبينون لنا اكثر علاقتهم بنا سواء ان كانت علاقة اسرية او صداقة
لهم التحيه مجدد!

عادل
(ادارة المنتدى)

[NOON NOURELDIN]

السيد عادل مدير المنتدى و الأعضاء
السلام عليكم
اسمي نون نور الدين الشيخ، والدتي (علوية عبد الرحيم محمد رحمة) مستقرين في الإمارات من زمن (العين)
طبعا اهلنا في العين و في الإمارات كتار و بنتواصل دايما مع بعض في اللقاءات الأسرية الكبيرة(الجمعية) و الزيارات الخاصة
كانت مصادفة حلوة إني لاقيت كتير من الأهل في آخر إجازة لي في الإمارات شهر 6 الماضي ( بدرس في ماليزيا حاليا) كانت جمعية مصغرة صادفت فيها سلمى حسين الما شفتها من زمااان.. و حسام حسن و كانت أيام حلوة..

لي كم يوم بتصفح في المنتدى و بشوف في أهلي البعرفهم و الما بعرفهم!! علما بأنني أهوى الأنساب و معرفتها و بتمنى أتعرف على الناس أكتر و أكتر..

متواصلين إن شاء الله

شكرا على مجهودكم

[محمدالمصطفي]

سلام ...
مرحباً بك نون بين اعضاء هذا المنتدي الذين هم في البدء اهلك ...
اعرفك بي نفسي :
محمد المصطفـــــي
الوالــــد : عبدالله محمد علي دفع الله
الوالـــــده : ابتسام عوض الكريم سيداحمد (كرومة )

كــــدة وقعت ...

تحياتي ....

[NOON NOURELDIN]

أخي محمد المصطفى شكرا ليك على الترحيب و التعريف..

يؤسفني إنو ما وقعت!! بصراحة لي زمن ما مشيت السودان و حتى لمن امشي بقعد فترات بسيطة جدا ما بلاقي كل الناس

لكن يكفيني أعرف انكم أهلي و أفخر بذلك

المرة القادمة إن شاء الله ألف السودان كله و ألاقي السودان كله

[muna]

اهلا بنون ومرحبا ننتظر مشاركاتك

[ام محمد]

أهلا بحبيبتنا نون ..
ومرحب بك فى المنتدى والله نورتى ..
وأنا سعيده جدا بانضمامك .. وأتمنى أن أرى مساهماتك ..
طبعا ماشفنا منك حاجه لحدى أسه غير صورة غسيل العده مع ايناس فى جمعية العين..
على العموم حتتعرفى على الاسره شويه ..شويه بمواصلتك فى المنتدى ..
اتمنى لك التوفيق كما أتمنى أن تحضرى الجمعيه الجايه ..
تحياتى ..

[NOON NOURELDIN]

خالتو منى.. شكرا ليك سعيدة بترحيبك

إن شاء الله المشاركات جاية

[NOON NOURELDIN]

أم محمد المنتدى منور بيك و بمشاركاتك الدايمة و المميزة..
فقدناكي في الجمعية الفاتت لكن كويس لحقتي منها الصور
و الله هدفي الأول من المشاركة في المنتدى التعرف على الأهل بما انو ظروف الغربة ما بتجمعنا!
و هدف تاني برضو إني عارفة أهلي متميزين في أفكارهم و آرائهم فحبيت أشاركهم و أستفيد
تسلمي يا مها و إن شاء الله ألاقيكم الجمعية الجاية

[muna]

شوفي يا نون من ناحية عمر خالتو لكن امك دي عمتي يعني انا بت خالك بس برضه خالتو مني

[NOON NOURELDIN]

و الله يا خالتو أنا قلت "خالتو" دي مخصوص عشان أصل للتوضيح اللي كتبتيهو دا

و بعدين دا كلو من دينا !!

و في كل الأحوالي يسعدني إنك خالتي و بت خالي و كلو

[adil]

مرحبا مرحبا ورحبو جميعا مع بنوارة فريق بري وامتداد ناصر والخرطوم شرق وحي الاساتذة
الفريدة من نوعها والدرة الغالية نفيسة محمد الامين

عادل

[nafisa m. al-ameen]

شكرا عادل اديك العافية وحافاجئكم بالظهور المتكرر والمشاركات الفعالة انشاء الله

[adil]

رحبو معي ايضا بفرح خالد فرح ابن خالى وهو يدرس فى ماليزيا (ما عارف شنوداك ؟) وهو ايضا ابن ملاك يوسف (بت فاطمة محمد فضل) يعني ببقى برضو لي اولاد الامين ود بنت عمتهم شوية لخبتة كدا لكن ناس السجانة بكونو عرفوه

ارحب به عضوا فى منتدانا ونرجو منه المشاركات الفعالة

عادل

[ام محمد]

مرحب بفرح ود حبيبتنا ملاك ..
طبعا ملاك دى جارتنا .. وبتزورنا دايما ..
نتمنى نشوف مشاركاتك يافرح ..
ربنا يوفقك ..